Լատվիայում կայացավ Շառլ Ազնավուրի 100-ամյակին նվիրված միջոցառում

15 դեկտեմբերի, 2024

2024թ. դեկտեմբերի 13-ին Լատվիայում՝ Ռիգայի հայտնի պատմական կառույցներից մեկի՝ Փոքր Գիլդի սրահում, տեղի ունեցավ համաշխարհային հռչակ վայելող երգահան, պոետ, Մեծն Շանսոնյե Շառլ Ազնավուրի 100-ամյակին նվիրված համերգ և ընդունելություն, որը կազմակերպել էր Լիտվայում ՀՀ դեսպանությունը՝ Լատվիայում ՀՀ պատվավոր հյուպատոս Մխիթար Մխիթարյանի, ՀՀ ԿԳՄՍ նախարարության, Հայաստանի պետական ֆիլհարմոնիա ՊՈԱԿ-ի հետ համագործակցությամբ՝ ՀՀ պետական ջազ նվագախմբի մասնակցությամբ։

Համերգի ընթացքում աշխարհահռչակ Շառլ Ազնավուրի երգացանկից ճանաչված երգեր ներկայացրեցին հայազգի հայտնի երգիչներ՝ Ինգա Արշակյանն ու Գոռ Սուջյանը։

Համերգին հաջորդեց նաև դեսպանության կողմից կազմակերպված ընդունելությունը, որի ընթացքում ողջույնի խոսքով հանդես եկավ Լիտվայում ՀՀ արտակարգ և լիազոր դեսպան Արա Մարգարյանը։

Երեկոյի հյուրերն էին Լատվիայի ԱԳՆ և Սեյմասյի ներկայացուցիչները, Լատվիայում հավատարմագրված դեսպանները, դիվանագիտական կորպուսի ներկայացուցիչները, Լիտվայում, Լատվիայում ՀՀ պատվավոր հյուպատոսները, արվեստագետներ, լրագրողներ, հայ համայնքի ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր